ಎಲ್ಲರಂತವಳಲ್ಲ ...

ಮುಂಜಾನೆ ಅರಳುವ ತಾವರೆಯಂತವಳು

ಪರಿಮಳ ಸೂಸುವ ಮಲ್ಲಿಗೆಯಂತವಳು

ತುಟಿಯಂಚಲೆ ತುಂಟ ನಗು ಬೀರುವಂತವಳು

ಎಲ್ಲರಂತವಳಲ್ಲ ನನ ತಂಗಿ

.

ಪ್ರಶ್ನೆಗಳಿಗೆ ಮೌನದಲೆ ಉತ್ತರಿಸುವಂತವಳು

ಬಾಯಿ ತೆರೆದರೆ ಮುತ್ತನೆ ಉದುರಿಸುವಂತವಳು

ಕಣ್ಣ ನೋಟದಲೆ ನನ್ನ ಗದರಿಸುವಂತವಳು

ಎಲ್ಲರಂತವಳಲ್ಲ ನನ ತಂಗಿ

.

ಕೈಗಳೇ ಸೋತರು, ಹೃದಯವೇನು ಸೋತಿಲ್ಲ

ನೋವನೇ ತಿಂದರು, ನಗುದನೇನು ಮರೆತಿಲ್ಲ

ಕಷ್ಟವೇ ಬಂದರು, ಉತ್ಸಾಹವೇನು ಕುಗ್ಗಿಲ್ಲ

ಎಲ್ಲರಂತವಳಲ್ಲ ನನ ತಂಗಿ

.

ಜೊತೆಗೇನು ಹುಟ್ಟಿಲ್ಲ, ಜೊತೆಗೇನು ಬೆಳೆದಿಲ್ಲ

ಹಂಚಿಕೊಂಡ ಭಾವನೆಗಳ ನೆನಪಿನ್ನು ಮಾಸಿಲ್ಲ

ಜೊತೆಯಲೇ ಇರಬೇಕೆಂಬ ತವಕವಿನ್ನು ಬತ್ತಿಲ್ಲ

ಎಲ್ಲರಂತವಳಲ್ಲ ನನ ತಂಗಿ

.

ಮಮತೆಯನೆ ಉಣಬಡಿಸುವಂತವಳು

ನನ್ನ ಕೈ ಹಿಡಿದು ನಡೆಸುವಂತವಳು

ನನಗೆ ತಾಯಿಯಂತವಳು

ಎಲ್ಲರಂತವಳಲ್ಲ ನನ ತಂಗಿ